"Үҫеш нөктәһе"

Бөгөн «Мәғариф» милли проектының «Заманса мәктәп» төбәк проекты сиктәрендә булдырылған "Үҫеш нөктәһе"н асыуға арналған тантана уҙҙы. "Үҫеш нөктәһе" үҙәге ауыл ерендә урынлашҡан мәктәптә белем биреү программаларын үҙләштергән уҡыусыларға белем биреү кимәлен күтәрә, дәрестән тыш өҫтәмә белем алыу мөмкинлеген булдыра.
Беҙҙең мәктәпкә "Физика", "Химия", "Биология" фәндәре буйынса лаборатор эштәр, робототехника өсөн ҡорамалдар һәм материалдар килде. "Үҫеш нөктәһе" үҙәгендә "Химия", "Биология", "Физика" кеүек фәндәрҙе төптән өйрәнеү генә түгел, ә балаларға робототехника, проектлау, цифрлы белем биреү буйынса ла эш алып барыласаҡ.
Беҙҙең шатлыҡты уртаҡлашып, күрше Ҡолғана һәм Әбделмәмбәт мәктәптәренең химия, биология, информатика уҡытыусылары ла килде. Әбделмәмбәт урта мәктәбе директоры Үтәбаев Инсур Рәмил улы, филиал етәксеһе Билалов Сабит Фәрит улы ҡотлау һүҙҙәрен еткерҙеләр.Кисәнең аҙағында биология, химия, физика кабинеттарына экскурция ойошторолдо.