"Һаулығың - байлығың"

18 ноябрҙә Халыҡ-ара тәмәкенән баш тартыу көнө билдәләнә.
Шул уңайҙан Әбделмәмбәт мәктәбендә лә 9 һәм 10 класс уҡыусыларына "Һаулығың - байлығың" тип исемләнгән класс сәғәте үткәрелде. Был дәрестә ауыл мәҙәниәт йорто китапханасыһы Г. Шәмиғолова, "Мәсем" йәштәр һәм үҫмерҙәр клубы хеҙмәткәрҙәре Г. Усманова һәм Әбделмәмбәт мәктәбе социаль педагогы Г. Боҫҡонова ҡатнашты. Буклеттар таратылды,тәмәкенең зыяны тураһында лекция уҡылды,төрлө һорауҙарға яуаптар алынды.
Бөгөнгө дәресебеҙ уҡыусылар өсөн бик фәһемле булғандыр тип уйлайбыҙ һәм киләсәктә уҡыусыларыбыҙ был насар ғәҙәтте үҙ итмәҫтәр тип ышанабыҙ.