"Башҡортостанда мәктәп туризмы" программаһы сиктәрендә күрше Белорет һәм Әбйәлил райондарына сәйәхәт.

Үткән аҙнала бер төркөм балалар, шулай уҡ беҙҙең Әбделмәмбәт мәктәбенең 10 уҡыусыһы Белорет ҡалаһына ике көнлөк турға барып ҡайттылар. Был турға МХО-ла ҡатнашыусыларҙың, бәлиғ булмағандар буйынса комиссияла торған, ауыр тормош хәлендәге һәм әҙ тәьмин ителгән ғаиләләрҙең балалары ял итеп ҡайттылар. "Башҡортостанда мәктәп туризмы" программаһы сиктәрендә күрше Белорет һәм Әбйәлил райондарына сәйәхәт ҡылып, төрлө-төрлө музейҙарға экскурсияларға барып, оҫталыҡ дәрестәре ҡарап, тауҙарға, күлдәргә йөрөп үтте уҡыусыларҙың көндәре. Балалар өсөн бушлай ойошторолған был сәйәхәт уҡыусыларҙың аң-белем кимәлен үҫтереп, рухтарын байытып, онотолмаҫ тәьҫораттар ҡалдырҙы.
Уҡыусыларға матур, фәһемле сәйәхәт ойоштороусыларҙың барыһына ла оло рәхмәтебеҙҙе белдерәбеҙ!