Халыҡтар берҙәмлеге көнө.

Әбделмәмбәт мәктәбендә Халыҡтар берҙәмлеге көнөнә арналған дәрестәр, класс сәғәттәре үтте. Уҡыусылар байрамдың тарихы, тарихи шәхестәр тураһында киң мәғлүмәт алды.
4 ноябрь – Халыктар берҙәмлеге көнө. Халыҡтар берҙәмлеге көнө тәрән рухи мәғәнәгә эйә. Ул беҙҙе берҙәм булырға, ата-бабаларыбыҙҙың ҡаһарманлығын хөрмәт итергә өйрәтә.
Был көн – илебеҙ тарихына хөрмәт белдереү һәм уның данлыҡлы традицияларын дауам иттереүҙең бер күркәм билдәһе. Дәүләт күләмендәге был байрам 1612 йылғы тарихи вакиғаларға барып тоташа. Халык-ара берҙәмлек көнө буларак, 2005 йылдан билдәләп үтелә.
Байрамдың маҡсаты -дуҫлыҡты, берҙәмлекте һаклау һәм данлау.
Тарихта эҙ ҡалдырған был көндәрҙә беҙҙең ата-бабаларыбыҙ – төрлө милләт, дин һәм төрлө ҡатлам вәкилдәре – бер булып, уртак Ватаныбыҙҙы сит илбаҫарҙарынан азат иткән.