Башланғыс класс уҡытыусыларының 2023-2024 яңы уҡыу йылында методик берекмә ултырышы

Бөгөн мәктәбебеҙҙә, филиалдар менән берлектә, башланғыс класс уҡытыусыларының 2023-2024 яңы уҡыу йылына тәүге методик берекмә ултырышы үтте. Иң беренсе, ултырышты методик берекмә етәксеһе көн тәртибе менән таныштырыуҙан башлап ебәрҙе. Артабан, 1 класта азбука фәненән Земфира Ғәлимйән ҡыҙы, 2 класта башҡорт теленән Дилә Камил ҡыҙы, 3 класта математиканан Ғәлиә Фауариз ҡыҙы, 4 класта рус теленән Ләйсән Ғилметдин ҡыҙы асыҡ дәрестәр күрһәттеләр. Бөтә уҡытыусылар ҙа дәрестәрҙе яңы ФГОС талаптарына таянып, һәр бер этапты эҙмә-эҙлекле итеп юғары кимәлдә үткәрҙе. Ултырышты дауам итеп Ләйсән Ғилметдин ҡыҙы "Башланғыс кластарҙа башҡорт теле дәрестәрендә функциональ грамоталы шәхес тәрбиәләү" темаһына доклад менән сығыш яһаны, Земфира Ғәлимйән ҡыҙы "Орлята России" программаһы буйынса мәғлүмәт бирҙе. Дәрестәр тамамланғас түңәрәк өҫтәл артында фекер алышыуҙар дауам итте. Һәр уҡытыусы дәресенә үҙанализ яһаны, артабан килгән ҡунаҡтар үҙ фекерҙәрен еткерҙеләр. Бөгөнгө ултырыш уңышлы үтте, уҡытыусылар яҡшы кәйеф менән таралыштылар.