Әбделмәмбәт мәктәбе һәм уның филиалдары өсөн "ҺАУЛЫҠ" Спартакиадаһы үтте.

Әбделмәмбәт мәктәбе һәм уның филиалдары өсөн "ҺАУЛЫҠ" Спартакиадаһы үтте. Саңғы, теннис, шахмат, волейбол һәм бөтәһе лә көтөп алған Быймалы башҡорт сәкәне буйынса мәктәп хеҙмәткәрҙәре ихлас ярышты. Бында чемпиондар түгел, ә һәр ҡатнашыусы - үҙе өсөн абсолют еңеүсе икәнлеген раҫланыҡ. Һүлпәнлек, ялҡаулыҡ, битарафлыҡ кеүек ярыш төрҙәрендә лә еңеүселәр булыуы асыҡланды. Хәрәкәттә - бәрәкәт. Ойоштороусыларҙың теүәл, аныҡ эшләүе, ашнаҡсыларҙың тәмле һыйҙары, күтәренке кәйеф, тотош йылға етерлек заряд - ҡатнашыусылар өсөн иң ҡиммәтле приз.

Киләһе йыл мотлаҡ еңәсәкбеҙ тигән сәмле уй-ниәттәр, был ярыштарҙың район этабында ла һынатмаҫҡа тигән маҡсат менән таралыштыҡ.