Дәүләт йомғаҡлау аттестацияһына әҙерлек

#БДИ2021

Быйылғы йылда 11-се класты 19 уҡыусы, 9 -сы класты 8 уҡыусы тамамлай.
2021 йылда 9-сы һәм 11-се кластарҙың берҙәм дәүләт имтиханын, дәүләт йомғаҡлау аттестацияһын уҙғарыу тәртибендә үҙгәрештәр һәм әҙерлек буйынса беҙҙең мәктәптә уҡыусылар менән йыйылыштар үткәрелде. Һәр уҡыусының экзамендарға әҙерлеге һәм һынау эштәренең һөҙөмтәләре ҡаралды.
 Рәсәйҙең юғары уҡыу йорттарына инергә йыйынған уҡыусылар өсөн берҙәм дәүләт имтиханының төп этабы 31 майҙан 2 июлгә тиклем, берҙәм дәүләт имтиханының өҫтәмә осоро 12-17 июлдә үткәрелә. Был турала Мәғариф министрлығы башлығы Сергей Кравцов белдерҙе.
2021 йылда ағымдағы эпидемик хәлгә бәйле 11-се кластар һәм берҙәм дәүләт имтиханының башҡа ҡатнашыусылары, шулай уҡ 9-сы кластар өсөн дәүләт йомғаҡлау аттестацияһын ваҡытынан алда уҙғарыу осоро булмай.
✅Юғары уҡыу йортона инергә йыйынмаған сығарылыш класы уҡыусыларына берҙәм дәүләт имтиханы урынына рус теленән һәм математиканан дәүләт сығарылыш имтиханын тапшырырға кәрәк.
Киләһе йылда база кимәлендәге математика буйынса берҙәм дәүләт имтиханы булмай.
✅11-се кластар өсөн берҙәм дәүләт имтиханында ҡатнашырға мөмкинлек биргән йомғаҡлау иншаһы һәм изложение 15 апрель үткәрелә.
✅9-сы кластарға төп дөйөм белем тураһында аттестат ике мотлаҡ фән – рус теле һәм математика буйынса дәүләт йомғаҡлау аттестацияһы һөҙөмтәләре нигеҙендә бирелә. 2021 йылда 9-сы класты тамамлаусылар төп дәүләт имтиханында һайлау буйынса уҡыу предметтарын тапшырмай, мәктәптә үҙҙәре һайлаған бер предметтан контроль эш үткәрелә.
✅Рус теленән һәм математиканан дәүләт йомғаҡлау аттестацияһы 2021 йылдың 24-28 майында була.
Имтихандар, быйылғы кеүек үк, коронавирусты иҫкәртеү саралары менән уҙғарыла.