26 апрель бар донъя ҡара датаны - 1986 йылда Чернобыль атом электр станцияһында булған фажиғә көнөн билдәләй.

Башҡортостанда радиация тәьҫиренә дусар булған 3500 самаһы кеше йәшәй. Шуларҙың 2400-ө тиерлек Чернобыль атом электр станцияһындағы фажиғә һөҙөмтәһендә зыян күргән.
Ошо көнгә арнап Әбделмәмбәт мәктәбендә класс сәғәттәре үтте. Шулай уҡ, Чернобыль фажиғәһе тураһында ҡыҫҡа фильм да күрһәтелде.
Чернобыль һәләкәте тарихта ҡалды, бындай яңылышлыҡ башҡа ҡабатланмаҫ, тип беҙ әйтә алмайбыҙ. Бөгөнгө тыныс тормоштоң ҡәҙерен белеп, бер-беребеҙгә иғтибарлы һәм ихтирамлы булып йәшәһәк ине.